Мадриднинг «Реал» клуби ҳужумчи Лука Йовични яна ижарага бермоқчи. Бу ҳақида «Gazetta dello Sport» нашри хабар бермоқда. Манбада айтилишича, «Женоа» ва «Сампдория» футболчига қизиқиш билдирмоқда. Маълум бўлишича, генуяликлар Лука трансферига жиддий қизиқмоқда. Аммо, ҳали расмий таклиф билан чиқмаган. Шунингдек, «Интер» 23 ёшли сербияликни ижарага олиш вариантини кўриб чиқмоқда.
Ўтган мавсумда Йович Франкфуртнинг «Айнтрахт» жамоасида ижарада ўйнаган. Ушбу битимда Германия клуби футболчини сотиб олиши мумкинлиги ҳақида банд ҳам борэди. Аммо, «бургутлар» ҳужумчини сотиб олиш тўғрисида «қаймоқранглилар» билан музокара ўтказмади.
Ўтган мавсумда Йович Германия Бундеслигасининг 18 учрашувида қатнашган ва 4та гол уришни уддалаган.
