Мадриднинг «Атлетико» клуби ярим ҳимоячиси Сауль Ньигес фаолиятини Англия Премьер-лигасида давом эттириши мумкин.
«Daily Mail» нашри хабарига кўра, футболчига «Манчестер Юнайтед» фаол тарзда қизиқиш билдирмоқда.
Манбага кўра, инглиз клуби испаниялик ярим ҳимоячининг трансфери учун тахминан 45 миллион фунт тўлаши мумкин.
Қайд этилишича, «Юнайтед» Поль Погба ёки Матич жамоани тарк этган тақдирда, Сауль трансфери бўйича таклиф билан чиқишади.
Эслатиб ўтамиз, ўтган мавсумда Сауль «Атлетико» билан биргаликда етти йил ичида биринчи марта Испания чемпиони бўлди.
