“Навбаҳор” кеча Тошкентдаги “Жар” стадионида Термизнинг “Cурхон” жамоасига қарши майдонга тушди. Мазкур ўйинда устунликка эга бўлган наманганликлар маҳоратли ҳужумчи Иброҳим Ғанихоновнинг 16 ва 28-дақиқаларда урган голлари эвазига 2:0 ҳисобида ғалаба қозонди.

Таъкидлаганимиздек, “лочинлар” ушбу баҳснинг 1-бўлимидаёқ 2 та гол уриб, танаффусга 2:0 ҳисобида чиқиб кетишганди.

Гарчи иккинчи бўлимда ҳам ҳар икки жамоа аъзоларида бир қатор имкониятлар юзага келган бўлса-да, дарвозаларга бошқа гол урилмади.

Натижада мазкур ўйинда Виктор Жалилов шогирдлари 2:0 ҳисобида зафар қучишди.

Ўртоқлик учрашуви
“Навбаҳор” – “Сурхон” – 2:0 (2:0)
Голлар: Иброҳим Ғанихонов (16, 28).
“Навбаҳор”: Ўткир Юсупов, Игорь Голбан, Боян Цигер, Даврон Ҳошимов, Мирзоҳид Ғофуров, Азимжон Аҳмедов, Боян Найденов, Коста Тенорио Гутинер, Қувондиқ Рўзиев, Иван Соловьёв, Иброҳим Ғанихонов.
Захирадан майдонга тушганлар: Раҳимжон Давронов, Забиҳилло Ўринбоев, Исломжон Исоқжонов, Аббосжон Ғуломов, Сардор Теляков, Илҳом Алижонов, Жавоҳир Ҳусанов, Мирзоҳид Мирзамаҳмудов, Хушнуд Авилов, Темур Набиев.

“Навбаҳор” ПФК матбуот хизмати.