Мадриднинг «Реал» клуби Варан бўйича музокараларда «Манчестер Юнайтед»га ён босди. Бу ҳақда ўз манбаларига асосланиб «Goal» нашри хабар бермоқда.

Олдинроқ, «қаймоқранглилар» «Манчестер Юнайтед»нинг футболчи учун таклифини рад қилишди ва Англия клубидан 70 миллион еврога яқин пул сўрашди. Бироқ, ҳозирги кунга қадар томонлар музокараларда муваффақияга эриша олмади. Бу аввало, футболчининг ўзи позициясига боғлиқ. Франциялик футболчи «қироллик клуби» билан шартномасини узайтирмайди ва келаси ёзда Мадридни эркин агент бўлиб тарк этиши мумкин. «Реал» эса уни текинга қўйиб юборишни хоҳламаяпти. Шу сабабли., жорий трансферлар ойнасида француз футболчисини сотиб юбормоқчи.

Энди «Реал» ва «Манчестер Юнайтед» Варан борасида битим тузишга яқин турибди.
Янги келишув бўйича, «манкунианликлар» футболчи учун 45-55 миллион евро атрофида тўлайди.