Хабарингиз бор, Ўзбекистон футзал терма жамоаси 25-30 июль кунлари Таиландда ташкил этилаётган «Continental» халқаро турнирида қатнашмоқда. Бугун вакилларимиз мазкур мусобақа доирасидаги иикинчи тур баҳсларида Мозамбик футзал терма жамоасига қарши майдонга тушди ва ўта йирик 10:0 ҳисобида ғалаба қозонди. Учрашувнинг биринчи бўлими тенг курашлар остида кечган бўлсада, футзалчиларимиз 2:0 ҳисобидаги ғалаба билан танаффусга чиқиб кетишди. Иккинчи бўлимда эса Ўзбекистон терма жамоаси нақ 8та гол уриб, гуруҳда пешқадамга айланиб олди.

Мозамбик 0-10 Ўзбекистон 

Голлар: Илҳомжон Ҳамроев 9, Акбар Усмонов 13, 21, Анасхон Раҳматов 21, Ихтиёр
Ропиев 25, 39, Элбек Тўлқинов 29, Хушнур Эркинов 29, Дилшод Раҳматов 33, Музаффар
Аҳаджонов 35.