«Ювентус» «Сассуоло» футболчиси Мануэль Локателлини сотиб олиш учун клуб билан музокара ўтказади, деб хабар беради «Goal» нашри.

Хабарга кўра, клублар музокара ўтказиш учун яна учрашишга келишиб олган. Учрашув 28 ёки 29 июль кунлари бўлиши белгиланган.
Туринликлар яримҳимоячини 30 миллион еврога сотиб олиш имконияти билан икки йилга ижарага олмоқчи бўлган, аммо бу таклиф рад этилган. «Сассуоло» футболчининг 40 миллион еврога сотилишини кўриб чиқишга тайёр.

Ўтган мавсумда Локателли А Серияда 34 та ўйин ўтказиб, 4 та гол урган.