«Ливерпуль» ҳимоячиси Виржил ван Дейк жароҳати туфайли ўтган йилнинг октябридан бери ўйнамаётганидан хабарингиз бор.

Жамоа бош мураббийи Клоппнинг айтишича, Виржил «Герта» билан кечадиган 29 июль кунги ўртоқлик ўйинида қатнашиши мумкинлигини тан олди.

«Гарчи ишончим комил бўлмасада, Виржил бир неча дақиқа ўйнашига умид қиляпман. У машғулотларда жуда зўр кўринмоқда ва эҳтимол биз унга рухсат берармиз.

Лекин мен у билан суҳбатда ҳамма нарсани аниқлаб олишим керак. У тайёрга ўхшайди, шунинг учун биз буни кўриб чиқишга ҳаракат қиламиз», - дейди Клопп.