«Барселона» бош ижрочи директори Матеу Алемани ҳимоячи Самуэль Умтити ва яримҳимоячи Миралем Пьяничнинг трансферга қўйилишини тасдиқлади.
«Барселона»нинг барча футболчилари ўзларининг ҳолатларини тушунишади. Бу икки футболчи мураббийнинг фикри ва бизнинг имкониятларимизни билишади. Биз ҳурмат билан уларнинг агентлари билан алоқа қиламиз, уларни қўйиб юборишга тайёрмиз», - дея Алемани сўзларини келтирмоқда «Football Espana» нашри.
Эслатиб ўтамиз, «Барса» бу икки футболчини катта маошлари туфайли сотишга тайёр. Боз устига, улар мураббийлар штаби режаларига киритилмаган.
Ўтган мавсумда Умтити 16 учрашувда иштирок этди. Пьянич 30 та ўйин ўтказди. Иккала ўйинчи ҳам мавсум давомида бирорта самарали ҳаракат амалга оширмаган.