Мадриднинг «Реал» клуби ушбу ёзда «ПСЖ» ҳужумчиси Килиан Мбаппенинг трансферини амалга учун янги харидларни амалга оширмаяпти. Бу ҳақида таниқли «Marca» нашри хабар бермоқда.
Манбага кўра, «қироллик клуби» ёзги трансферлар вақтида Франция терма жамоаси футболчисини сотиб олишни якунлаш учун пулни тежамоқда. Шу муносабат билан «Реал» жамоа сардори Серхио Рамос билан шартномани узайтирмади, шунингдек, ҳимоячи Рафаэль Варанни «Манчестер Юнайтед»га сотишга қарор қилди.
Олдинроқ 22 ёшли Мбаппе «ПСЖ» билан бир йилдан сўнг тугайдиган шартномани узайтиришдан бош тортгани ҳақида хабар берилган эди.
Шундай қилиб, Франция клуби футболчини текин йўқотмаслик учун уни трансферга қўйиши мумкин. Мадрид клуби эса ўша вазиятни кутиб турибди, деб хабар берилади манбада.
