Массимилиано Аллегрининг айтишича, келаси мавсумда португалиялик футболчи Криштиану Роналдуда олдингиларига қараганда кўпроқ масъулият юклашади.
«Роналду - ғайриоддий ва ақлли футболчи. Мен у билан гаплашдим. Унга бизни жуда
муҳим мавсум кутаётганини айтдим. Унга уч йил олдин, бизнинг тажрибали жамоамиз бўлганидан ҳам кўпроқ масъулият юкланади. У майдонда ўзининг энг яхши фазилатларини намойиш қилиши кераклиги билан бир қаторда, мен ундан ташқарида баъзи бир вазифаларни бажаришини кутмоқдаман, бу инсоний фазилатларнинг намоёнидир», - дея Аллегрининг сўзларини келтиради италиялик журналист
Жанлука Ди Марцио.
Эслатиб ўтамиз, Роналду «кекса синьора» билан 2018 йилнинг ёзида шартнома имзолаган эди. 2021/2022 йилги мавсум Турин лагеридаги форвард учун тўртинчи мавсум бўлади.
Роналду ва «Ювентус» ўртасидаги амалдаги келишув 2022 йилнинг ёзига қадар амал қилади чиқилган.