Дзюдочимиз Гулноза Матниёзова (-70 кг) Токио-2020 Олимпия ўйинлари доирасида ўзининг иккинчи беллашувини ўтказди. Унга ушбу босқичда амалдаги жаҳон чемпионати совриндори рақиблик қилди.

Матниёзова унда ушбу вазннинг биринчи сараланган вакили нидерландиялик Санне ван Дийке билан баҳс олиб борди. Ҳамюртимиз жангни фаол бошлаб, рақибига нисбатан усул қўллади. Усул бироз охирига етмай қолгани учун Гулноза баҳо ишлай олмади. Нидерландиялик дзюдочи эса ҳамюртимиз чалғитган ҳолда услубни чиройли қўллади ва "иппон" билан ғалаба қозонди.

Шу тариқа, Матниёзова яккалик баҳсларидаги иштирокини якунлади. Энди ушбу дзюдочимиз аралаш жамоавий йўналишда иштирок этади.