Дортмунднинг "Боруссия" клуби ярим ҳимоячи Маҳмуд Дауд билан шартномасини узайтирди. Янги шартноманинг амал қилиш муддати 2023-йил 30-июнгача ҳисобланади.
"Боруссия" сабр-тоқат ва қатъият талаб қиладиган катта клуб. Ўтган йиллар давомида мен қийин
лаҳзаларни бошдан кечирдим. Аммо Дортмунд менга тўғри клуб бўлганига ҳеч қачон
шубҳа қилмаганман. Танқид ёки муваффақиятсизлик мен учун ҳар доим муҳим рағбат бўлиб
келган. Дортмундда ҳар доим жуда қулай бўлганман Энди мен "Боруссия" билан кейинги
қадамни ташлаш ва кейинги босқичга чиқиш имкониятини кутмоқдаман", - дейди Дауд.