Испан матбуоти хабарига кўра, Карим Бензема клуб билан шартномасини 2023 йилгача узайтиради. Энди французнинг Мадрид жамоаси билан келишувига кўра унда яна бир мавсум қолмоқда.
«Реал» 33 ёшли футболчига тўлиқ ишонч билдиради. Шу билан бирга, мадридликлар бу каби шартномаларни фахрийларга нисбатан камдан кам таклиф этади. Бироқ Переснинг ўзи Каримга бўлган ишончини ҳали бери йўқотмаслигини билдирган.
Маълумот учун, клуб бундан олдин Карвахал, Модрич, Лукас Васкес ва Начо билан ҳам янги шартномалар имзолаган эди.
