«Челси» юлдузи Кристиан Пулишич янги мавсумда жамоаси иккита совринни қўлга киритишига ишонмоқда. У «Standart» нашри билан бўлган суҳбатда шундай дейди:
«Очиғи мен бундай зафарга эришганимизга ишона олмаяпман. Европа чемпиони сифатида шуни айтишим мумкинки, бу биз учун осон бўлгани йўқ. Ҳозир сезяпмизки, юқори даражадаги клублар билан бемалол рақобат қила оламиз ва устунлигимизни исботлаймиз. «Сити» каби мамлакат чемпионини енганимиз бизга катта руҳ бағишлайди. Жамоага баҳолиқудрат ёрдам беришга доимо тайёрман. Янги мавсумда нафақат АПЛ бош совринини, балки мамлакат кубоги ҳам бизники бўлади».
Эслатиб ўтамиз, «Челси» янги мавсумни «Кристал Пелас»га қарши ўз майдонида бошлайди. Шунингдек, август ойи сўнгида «Виляреал»га қарши УЭФА суперкубоги доирасида баҳс олиб боради.
