Бугун Олимпиаданинг футбол баҳслари доирасида чорак финал беллашувлари бўлиб ўтиши режалаштирилган.

Уларнинг биринчиси яқинда ўз якунига етди. Унда Испания ва Кот-д'Ивуар терма жамоалари ўзаро баҳс олиб боришди.

Учрашувни венесуэлалик Хесус Валензуэла бошчилиқ ҳакамлар гуруҳи бошқариб борди. Ўйин қўшимча бўлимларда Испаниянинг 5:2 ҳисобидаги ғалабаси билан якунланди.

10 -дақиқада ҳисобни Кот-д'Ивуар ҳимоячиси Эрик Бейи очди. 30-дақиқада Испания терма жамоаси ярим ҳимоячиси Дани Олмо гол урди. 91-дақиқада эса Кот-д'Ивуар терма жамоаси яримҳимоячиси Макс-Ален Градел жамоасини ҳисобда олдинга олиб чиқди.

Аммо 93 -дақиқада испаниялик ҳужумчи Рафаэл Мир ҳисобни тенглаштирди. 98-дақиқада ҳужумчи Микел Оярзабал пенальтини аниқ амалга ошириб, Испания терма жамоасига ғалаба келтирди. 117-дақиқада Мир дубл қайд этди, 120-дақиқада эса хет-трик қайд этиб, якуний ҳисобни анча мустаҳкамлаб қўйди.

Испания U-23 - Кот-д`Ивуар U-23 5:2

Голлар: Байи, 10 - 0:1, Ольмо, 30 - 1:1, Градель, 90 - 1:2, Рафа Мир, 90 - 2:2, Ойарсабаль (пен), 98 - 3:2, Рафа Мир, 117 - 4:2, Рафа Мир, 120 - 5:2

Испания U-23: Унаи Симон, Мингеса (Вальехо, 10), Эрик Гарсия, Миранда (Кукурелья, 105), Пау Торрес, Педри (Солер, 102), Субименди (Монкайола, 105), Асенсио (Хиль, 68), Ольмо, Ойарсабаль, Мерино (Рафа Мир, 90).

Кот-д`Ивуар U-23: Тапе, Диалло, Байи, Дабила, Синго, Кессиэ, Куасси (Куао, 114), Градель, Куаме (Кейта, 90), Дао, Тимит (Диалло, 63).