«Манчестер Сити» клуби Грилиш учун ҳафтасига 360 минг фунт маош жорий этмоқчи. Евро-2020 мусобақаси юлдузларидан бири Жек Грилиш Англия футболи тарихидаги энг йирик битимлардан бири сифатида қайд этилиши мумкин.
Манбанинг ёзишича, Грилиш ҳозир таътилда, Миконос оролида. У қайтгач, «Сити» футболчисига айланиши кутилмоқда. Агар битим имзоланса, у ҳафтасига 360 минг фунт ишлаб топиши мумкин бўлади.
Маълумот учун бу кўрсаткич бўйича Грилиш Де Брюне ҳамда Девид Де Хеадан кейин учинчи ўринни эгаллайди. 25 ёшли футболчи ўтган мавсум «Астон Вилла» сафида 26 та ўйинда 6 бор рақиб дарвозасини ишғол этиб, 12 та голга узатма берган.
