"ПСЖ" ҳужумчиси Килиан Мбаппе ва ҳимоячи Серхио Рамос "Лилль га қарши Франция Суперкубогини ўтказиб юборади. Бу ҳақда парижликлар расмий сайти хабар берди. Мбаппе ҳозирча ўйинга тайёр эмас, чунки у яқинда машғулотларни бошлади. Рамосда эса жароҳат бор.
Анхел Ди Мария, Неймар ва Маркиньос ҳам парижликларга кейинги ўйинда ёрдам беришмайди.
Уларнинг барчаси ўз терма жамоалари билан Америка Кубогида ўйнаганидан кейин қўшимча дам олишди. Шу билан бирга, Жоржиньо Вейналдум ва Ашраф Ҳакими "ПСЖ" таркибида дебют қилиши мумкин. Футболчилар бўлажак ўйинга рўйхатига киритилган.
"ПСЖ" - "Лилль" учрашуви бугун, 1 август куни бўлиб ўтади. Бошланиши - Тошкент вақти билан 22:00. Учрашув Исроилда бўлиб ўтади.
