Францияда янги мавсумнинг дастлабки расмий учрашуви бўлиб ўтди. Франция суперкубоги учун «ПСЖ» ва «Лилль» жамоалари майдонга чиқишди.

Унда "Пари Сен-Жермен" имкониятни бой берди. Учрашувдаги ягона голни 45-дақиқада Шека уришга муваффақ бўлди. Унинг жарима майдони ташқарисидан йўллаган зарбасини Кейлор Навас қайтара олмади.

Парижликлар иккинчи бўлимда устунликка эришишди, аммо рақиб дарвозасига йўл топа олишмади.

Шу тариқа, «Лилль» ўз тарихида илк марта ушбу совринни қўлга киритди. Бунгача эса кетма-кет 8 мавсумдан буён "ПСЖ" Суперкубокни қўлга киритиб келаётганди.

Франция суперкубоги
Лилль – ПСЖ – 1:0 (1:0)
Гол: 1:0 – Шека, 45.
Лилль – Лео Жардим, Ботман, Фонте, Тиагу Джало, Рейнилду, Шека (Язиджи, 79), Андре, Луис Араужо (Иконе, 85), Бамба (Брадарич, 85), Дэвид (Веа, 76), Йилмаз.
ПСЖ – Навас, Керер, Ҳакимий, Кимпембе (Курзава, 81), Диалло, Эбимбе (Вейналдум, 71), Данилу Перейра, Эррера, Дракслер, Икарди, Калимуэндо (Гарби, 81).
Огоҳлантиришлар: Керер (30), Диалло (52), Луис Араужо (78), Дракслер (84), Лео Жардим (90), Данилу Перейра (90).