Goal.com нашри хабарига кўра, "Ювентус" "Сассуоло" ярим ҳимоячиси Мануэль Локателли трансфери устида ишламоқда. "Кекса синьора" 23 ёшли италиялик футболчини 20 миллион еврога сотиб олиш мажбурияти билан 5 миллион еврога 2 йилга ижарага олмоқчи эди, бироқ томонлар трансфер борасида келиша олишмади.
Маълум бўлишича, ҳозир "Сассуоло" италияликни камида 30 миллион евро сотиб олиш мажбурияти билан 5 миллион еврога бир йилга ижарага беришга тайёр.
Ҳозирда ушбу шартнома бўйича музокаралар ҳамон давом этмоқда.
Эслатиб ўтамиз, ўтган мавсум Локателли А Серияда 34 ўйин ўтказиб, 4 гол урди ва 2 голга узатма берди.
