Аввалроқ Мадриднинг "реал" клуби "Вильярреал" футболчиси Пау Торресга қизиқиш билдираётгани ҳақида хабарлар тарқалганди. Бироқ, кейинчалик, "қаймоқранглилар" Серхио Рамос ва Рафаэль Варан кетишига қарамай, ҳимояни кучайтириш ғоясидан воз кечишга қарор қилди.
Аммо, вазият ўзгариши мумкин. Британия матбуоти хабарига кўра, "Реал Мадрид" Пау Торрес трансферидан воз кечгани йўқ ва агар клуб ёзда Килиан Мбаппе билан шартнома имзоламаса, марказий ҳимоячининг трансфери борасида "Вильярреал" билан музокара ўтказишга ҳаракат қилади.
24 ёшли Торреснинг шартномасида 65 миллион евро миқдоридаги товон пули кўрсатилган. "Вильярреал" ҳам футболчи учун кўрсатилган суммани талаб қилмоқчи. "Реал" бунчалик кўп пул тўлай олмайди, лекин улар 50 миллион таклиф қилишга тайёр.
