Миланнинг "Интер" клуби "Лацио"нинг аргентиналик ярим ҳимоячиси Хоакин Корреага қизиқиш билдирмоқда. Бу ҳақида "Mundo Deportivo" нашри хабар
бермоқда.
Манбага кўра, "Интер" футболчини ёзги трансферлар вақтида сотиб олиши мумкин. Ярим ҳимоячини сотиб олиш тўғрисида "Лацио"нинг собиқ мураббийи,ҳозирги кунда "Интер"да ишлаётган Симоне Инзаги талаб қилмоқда.
Ўтган мавсумда 26 ёшли Корреа "Лацио" таркибида барча мусобақаларда 38 та ўйинда
майдонга тушиб, 11 та гол урди ва 6 та голли узатмани амалга оширди. Унинг клуб билан шартномаси 2024 йилнинг ёзигача амал қилади.
