«Лидс» бош мураббийи Марсело Бьелса «Реал» ярим ҳимоячиси Марко Асенсиони жамоага таклиф қилмоқчи. Бу ҳақида «Fichajes» нашри хабар бермоқда.
Манбага кўра, Лидс Марко Асенсиога «Вулверхемптон» вакили, испаниялик Адам Траорга нисбатан молиявий жиҳатдан арзонроқ алтернатив сифатида қарамоқда. Шунингдек, «Эвертон» ва «Лестер» ҳам Асенсиога даъвогар.
Ҳозирда Марко Асенсио Япониянинг Токио шаҳрида бўлиб ўтаётган Олимпия ўйинларида Испания шарафини ҳимоя қилмоқда. Ўтган мавсумда футболчи «Реал» таркибида Испания чемпионатида 35 ўйин ўтказиб, 5 гол ва 2 голли узатмани амалга оширган.
