"Атлетико" ярим ҳимоячиси Сауль Ньигез фаолиятини Англия чемпионатида давом эттирмоқчи. Бу ҳақида "Mirror» нашри хабар бермоқда.
Футболчига "Манчестер Юнайтед" ва "Ливерпуль" даъвогарлик қилмоқда.
Саулнинг вакиллари мазкур клублар билан музокара ўтказиш учун келаси ҳафта Англияга учиб кетишади. Испаниялик футболчининг трансфери яқин орада амалга ошиши мумкин.
2020/21 йилги мавсумда 26 ёшли Сауль "Атлетико" сафида барча мусобақаларда 41 та ўйинда майдонга тушиб, 2 та гол урди ва 1 та голли узатмани амалга оширди. Трансфермаркет портали футболчини 40 миллион еврога баҳоламоқда.
