"Интер" ҳужумчиси Лаутаро Мартинес ёзги трансфер ойнасида жамоани тарк этиши эҳтимолдан йироқ эмас, деб ёзади журналист Николо Скира ўз твиттердаги саҳифасида.
"Интер" аргентиналик футболчини сотмоқчи эмас, гарчи унинг агенти билан 2023 йилда тугайдиган шартномани узайтириш борасидаги келишув бўлмаса ҳам. Аммо, футболчи клубини ўзгартирмоқчи. Айни пайтда, Лаутарога Мадриднинг "Атлетико" клуби қизиқиш билдирмоқда, аммо испанларнинг 40 миллион евро ва 10 миллион бонуслар бўйича биринчи таклифи Италия клуби томонидан рад этилди. "Интер"
камида 80-90 миллион евро талаб қилмоқда.
Аввалроқ, Мартинес Лондоннинг "Арсенал" клубига ўтмаслиги маълум бўлди. Март ойида "Интер" "Барселона"нингҳам Лаутаро бўйича таклифини рад этган.
Эслатиб ўтамиз, Мартинес 2018 йилда 25 миллион евро эвазига "Интер"га ўтди.Ўтган мавсумда аргентиналик футболчи 47 учрашувда қатнашди, 18 гол ва 10 голли узатмани амалга оширган.
