«Манчестер Сити» бош мураббийи Роберто Манчини ким Англия терма жамоаси сардори бўлиши кераклиги борасида ўз фикрларини билдириб ўтди. Бу ҳақда «Sky Sports» хабар бермоқда.

«Гарет Бэрри сардорлик боғичига лойиқ ўйинчи. У яхши инсон ва яхши ўйинчи. У майдонда ҳам, унинг ташқарисида ҳам ақл билан ҳаракат қилади», деди италиялик мутахассис.

«У ҳақиқатан ҳам терма жамоа учун кўплаб учрашувларда майдонга тушган. У айни вақтда Англия терма жамоасининг сардорлик боғичини олишга лойиқ бўлган 2-3 футболчидан бири ҳисобланади», дея қўшимча қилди «Манчестер Сити» бош мураббийи Роберто Манчини.

Эслатиб ўтамиз, Англия терма жамоасининг собиқ сардори Жон Терри ирқий камситиш айблови сабаб боғичдан маҳрум қилинган эди.