"Барселона" ва Голландия терма жамоаси ярим ҳимоячиси Френки де Йонг янги мавсум олдидан фикрлари билан ўртоқлашди.
- "Барса" охирги пайтларда совринлар юта олмаяпти, бунинг учун жамоага нима етишмаяпти?
- Ўйлайманки, бу мавсумда жамоамиз натижалари яхшиланди. Биз жамоа бўлиб ўсяпмиз, иккинчи йилда ҳам бир мураббий билан ишлаяпмиз ва одатда иккинчи мавсумда ишлар яхшиланади.
Ўйлайманки, бу йил биз рақобатлашиш ва жиддий совринларни қўлга киритиш имкониятига эга бўламиз.
- Жамоа охиригача курашишга тайёрми?
- Ҳа.
- Ёш ва тажриба уйғунлиги туфайлими?
- Бу комбинация жуда муҳим. Бизда катта тажрибага эга юқори сифатли футболчилар ҳам, ўзини кўрсатмоқчи бўлган иқтидорли ёшлар ҳам бор.
- Жамоа мавсумни қандай якунлашини айта оласизми?
Айтиш қийин, лекин бу йил "Барселона" жуда яхши таркибга эга ва биз барча совринлар учун курашамиз", дейди голландиялик футболчи.
Эслатиб ўтамиз, Каталония клуби шу ёзда Эмерсон, Агуэро, Депай ва Эрик Гарсия каби футболчилар билан шартнома имзолади.
