“Челси” ҳақиқатан ҳам Виллаш Боаш айтганидек, мавсумдаги энг ёмон ўйинлардан бирини ўтказди. Ёмон ўйнаб туриб эса, ҳозирги “Эвертон”ни ютиб бўлмайди. Пиенар, Гибсон, Донован каби футболчилар билан кучайган ливерпулликлар “Сити” устидан қозонилган ғалаба тасодиф эмаслигини исботлашди. Гап фақат ҳисобда эмас, “Челси” ўйин борасида ҳам ҳеч нарса таклиф қила олмади. Ниманинг ҳисобига? Энг асосийси, “Эвертон” жуда кўп яккакурашларни ўз фойдасига ҳал эта олди. Торрес эса “Челси” бомбардирлари ичида фақат Чехдан юқорида турибди...
Ҳисобни эса, 5-дақиқадаёқ Пиенар очди. Марказдан уюштирилган ҳужумдан сўнг, тўп рикошет ҳолатида Пиенарга келиб тушди, ярим ҳимоячи вазиятни кўкка совурмади. Иккинчи гол эса Донованнинг ажойиб рейдидан сўнг, Стракквалурси (хух, намунча қийин исми, зўрға айтволдим ) киритди.
Яна бир эътиборли натижаси сифатида “Суонси”нинг ўз майдонида мағлубиятга учраганини кўрсатиш мумкин. Ўз майдонида жуда кучли ўйин кўрсатадиган (“Арсенал”ниям ютганди) ва сўнгги турда сафарда ғалаба қозонган уэльсликлар биринчи таймни ўз фойдаларига ҳал қилган бўлишса-да, иккинчи таймда кетма кет учта гол ўтказиб юборишди.
Яна бир иродали ғалабага “Арсенал” эришди. Ғалаба голини эса энг сўнгги дақиқада Тьери Анри киритди. Андрей Аршавин майдонга тушгач, уч дақиқа ўтмаёқ, чап қанотдан чиройли тўп узатишни амалга оширди, француз ҳужумчисига эса оёғини тўғри қўйиш қолганди холос. Дарвоқе, бу Анрининг иккинчи қайтишидаги учинчи голи эди.
Умуман, ушбу турда қишда трансфер қилинган футболчилар кўп гол уришди. Россиялик Павел Погребнякнинг ҳам “Фулҳэм” сафида гол киритганини таъкидлаш жоиз.
ЭВЕРТОН – ЧЕЛСИ 2:0 (1:0)
Голлар: Пиенар (5),Стракквалурси (71).
БЛЭКБЁРН – КУИНЗ ПАРК РЕЙНЖЕРС 3:2 (3:0)
Голлар: Айегбени (15), Нзонзи (23), Онуоха (45, автогол) – Мэкки (71, 90)
САНДЕРЛЕНД – АРСЕНАЛ 1:2 (0:0)
Голлар: Макклин (70) - Рэмзи (75), Анри (90).
БОЛТОН - УИГАН 1:2 (0:1)
Голлар: М.Девис (67) – Колдуэлл (43), Макартур (76).
ФУЛҲЭМ – СТОК СИТИ 2:1 (2:0)
Голлар: Погребняк (16), Соренсен (27, автогол) – Шоукросс (78).
СУОНСИ – НОРВИЧ 2:3 (1:0)
Голлар: Грэм (23, 87, пенальтидан) – Холт (48, 63), Пилкингтон (51)
