«Тоттенхем» ҳужумчиси Ҳарри Кейн жамоадошлари билан хайрлашган ва клуб машғулотларига қайтмаслигини айтган. Сўнгги хабарларга кўра, Кейннинг жамоадошлари ҳам футболчи хайрлашув ўтказганини тасдиқлаган.
Хабарда шунингдек, Кейнни «Сити»га кўчиши билан боғлиқ бўлган муаммолар ҳам борлиги маълум қилинган. Чунки, «шаҳарликлар» футболчи учун ҳалигача етарли бўлган таклиф билан чиқмаган.
Кейн «Etihad»да «Барселона»га йўл олган Серхио Агуэро ўрнига муносиб альтернатив бўлиши кутилмоқда. Аввалроқ Кейн «Сити»га ўтиш учун кафолат олмагунча клуб машғулотларига қайтмаслиги ҳақида хабар қилинган эди.