Япониялик ҳужумчи Такефуса Кубо янги мавсумни яна ижарада ўтказиши мумкин. Янги мавсумда ҳам осиёликка Мадрид клубининг асосий таркибидан жой олиш имконияти берилмаган.
"El Transistor" нашри хабарига кўра, "қаймоқранглилар" яқин кунларда футболчини "Реал Сосьедад"га, ёки "Мальорка"га ижарага бериши мумкин.
2019 йилнинг ёзида "Реал Мадрид"га келганидан бери, япониялик ҳужумчи Такефуса Кубо жамоада фақат очилиш мавсумини ўтказди, шундан сўнг у "Мальорка", "Вильярреал" ва "Хетафе" каби жамоаларда ижарада ўйнашга мажбур бўлди.
Эслатиб ўтамиз, ўтган мавсумда Кубо Испаниянинг иккита клубида ўйнаган - "Вилярреал" ва "Хетафе". Япониялик мазкур клублар сафида 37 учрашувда майдонга тушиб, иккита гол ва тўртта голли узатмани амалга оширган.
