«Интер» клуби ушбу ёзда Лукакуни сотиб юборса, ўрнига «Эвертон» яримҳимоячиси Мойзе Кинни олиб келмоқчи. «Sport Italia» нашри хабар қилишича, «Интер» ҳамда Лукаку «Челси» таклифини жиддий муҳокама қилишни бошлаган.
Чунки Лондон клуби 100 миллион евро ва Маркус Алонсо таклифи рад этилгандан кейин ушбу қийматга яна 20 миллион евро қўшган. Унинг кетиши ойдинлашса, Милан шаҳри клуби унинг ўрнига италиялик футболчини келтиради.
Кин «Эвертон»га «Ювентус»дан 2019 йилда ўтган эди, бироқ дастлабки мавсуми омадсиз кечиб, 33 та ўйинда 2 та гол урган, холос. Ўтган мавсум эса «ПСЖ»да ижара асосида тўп суриб, 41 та учрашувда 17 та гол уришга муваффақ бўлган.
