Токио-2020 Олимпия ўйинлари доирасида аёллар ўртасидаги кўп кураш баҳсларининг бугунги дастурлари якунланди. Унда 4 дастурда беллашувлар бўлиб ўтди.

Маълум қилганимиздек, ушбу йўналишда Екатерина Воронина юртимиз шарафини ҳимоя қилди. Бугунги дастурлар давомида у 100 метрга тўсиқлар оша югуриш ва 200 метрга югуриш дастурларида ўз шахсий рекордини янгилашга муваффақ бўлди. Қуйида Воронинанинг бугунги дастурларда қайд этган натижаси ва тўплаган очколари билан таништирамиз:

100 метр, тўсиқлар оша: 14.19 сония (952 очко);

Баландликка сакраш: 1.77 метр (941 очко);

Ядро улоқтириш: 13.76 метр (778 очко):

200 метр: 24.67 сония (917 очко);

Жами: 3588

Ҳозирда Воронина 3588 очко билан 20-ўринда турибди. Қайд этиш жоиз, 200 метрга югуриш дастурида ғолиблик учун асосий даъвогарлардан бири, амалдаги жаҳон чемпиони британиялик Катарина Жонсон-Томпсон дисквалификацияга учради.