Tokio-2020 Olimpiya o‘yinlari doirasida ayollar o‘rtasidagi ko‘p kurash bahslarining bugungi dasturlari yakunlandi. Unda 4 dasturda bellashuvlar bo‘lib o‘tdi.

Ma’lum qilganimizdek, ushbu yo‘nalishda Yekaterina Voronina yurtimiz sharafini himoya qildi. Bugungi dasturlar davomida u 100 metrga to‘siqlar osha yugurish va 200 metrga yugurish dasturlarida o‘z shaxsiy rekordini yangilashga muvaffaq bo‘ldi. Quyida Voroninaning bugungi dasturlarda qayd etgan natijasi va to‘plagan ochkolari bilan tanishtiramiz:

100 metr, to‘siqlar osha: 14.19 soniya (952 ochko);

Balandlikka sakrash: 1.77 metr (941 ochko);

Yadro uloqtirish: 13.76 metr (778 ochko):

200 metr: 24.67 soniya (917 ochko);

Jami: 3588

Hozirda Voronina 3588 ochko bilan 20-o‘rinda turibdi. Qayd etish joiz, 200 metrga yugurish dasturida g‘oliblik uchun asosiy da’vogarlardan biri, amaldagi jahon chempioni britaniyalik Katarina Jonson-Tompson diskvalifikasiyaga uchradi.