«Ливерпуль» дарвозабони Аллисон Бекер жамоаси билан янги шартнома имзолади. У клуб билан шартномани узайтирган учинчи футболчига айланди. Бундан олдин Александр-Арнолд ҳамда Фабиньолар шундай битимга имзо чекишган эди. Бразилиялик дарвозабон бу ҳақда шундай дейди:
«Мен ушбу таклифни ўйлаб ўтиришга кўп вақт сарф этмадим ва рози бўлдим. Бу сўнгги уч йилда эришган ютуқларимизни салмоғини оширишга ёрдам беради деб ўйлайман. Оилам ва ўзим жуда бахтлимиз. Фарзандларим Англияда туғилишди шу сабаб улар бу ерни яхши кўради. Шундай экан бу қарорим оиламга жуда ёқди».
Бекер «Энфилд» стадионига 2018 йили «Рома»дан кўчиб ўтган ва клуб сафида 130 та учрашувда майдонга тушган.
