«Liverpul» darvozaboni Allison Beker jamoasi bilan yangi shartnoma imzoladi. U klub bilan shartnomani uzaytirgan uchinchi futbolchiga aylandi. Bundan oldin Aleksandr-Arnold hamda Fabinyolar shunday bitimga imzo chekishgan edi. Braziliyalik darvozabon bu haqda shunday deydi:

«Men ushbu taklifni o‘ylab o‘tirishga ko‘p vaqt sarf etmadim va rozi bo‘ldim. Bu so‘nggi uch yilda erishgan yutuqlarimizni salmog‘ini oshirishga yordam beradi deb o‘ylayman. Oilam va o‘zim juda baxtlimiz. Farzandlarim Angliyada tug‘ilishdi shu sabab ular bu yerni yaxshi ko‘radi. Shunday ekan bu qarorim oilamga juda yoqdi».

Beker «Enfild» stadioniga 2018 yili «Roma»dan ko‘chib o‘tgan va klub safida 130 ta uchrashuvda maydonga tushgan.