"Барселона" ҳужумчи Лионель Месси билан шартнома имзолай олмагач, футболчининг бу воқеага муносабати маълум бўлди.
"Diario Sport"нинг футболчига яқин манбаларга таяниб хабар тарқатишича, клуб уни янги мавсум учун рўйхатдан ўтказа олмаслиги Мессининг ҳафсаласини пир қилган. У клубни тарк этаётганидан ғазабда.
Месси "Барса" билан янги шартнома имзолаш мақсадида ўз таътилини бекор қилиб, отаси билан биргаликда Испанияга етиб келган эди. Аммо "кўк-анорранглилар" футболчининг отасига янги шартнома имзолашнинг имкони йўқлигини маълум қилди.