«Кристал Пелас» клуби Чемпионшип вакили «Блекберн» ҳужумчиси Адам Армстронг трансферини амалга оширмоқчи. «Sky Sports» хабарига кўра, Англия ёшлар терма жамоаси аъзоси учун клуб 20 миллион фунт сўраган.

Ҳужумчи учун «Саутгемптон» ҳам қизиқиш билдирмоқда. Чунки улар ДенИ Ингз ўрнига янги футболчи қидирмоқда. Агар футболчи сотилгудек бўлса, «Ньюкасл» клуби фойданинг 40 фоизини олади.

Негаки, бундан уч йил олдин «Блекберн» айнан шундай шартнома орқали 1,8 миллион фунтга футболчини нюкаслликлардан сотиб олинган. 24 ёшли Армстронг ўтган мавсум Чемпионшипда 30 та голга муаллифлик қилган.