«Манчестер Сити» бош мураббийи Хосеп Гвардиола «Интер» ҳужумчиси Ромелу Лукакуни мақтаб ўтди.

У бельгияликнинг «Эвертон»даги пайтида «шаҳарликлар»га қарши баҳсда очко тўплашда икки марта ёрдам берганини эслади.

«У тез ва анча кучли ўйинчи. Мен уни «Эвертон»да Куман бошқарувида ўйнаганида кузатганман. Лукаку бизни «Этихад»да жазолаганди.

Кейинчалик у бизни «Гудисон Парк»да ҳам яна бир бор аламли тарзда жазолади. У тез, у тўпсиз ҳам қандай ҳаракатланиш мумкинлигини жуда яхши билади.

Ромелу кўпинча бошқа ўйинчилар ҳаракатланиши учун жой яратади. Бу борада у энг зўр. Биз уни жаҳон даражасидаги ўйинчи деб ҳисоблашимиз мумкин»,-дейди Гвардиола.