"Барселона" мухлислари куннинг кеч бўлишига қарамай, "Камп Ноу" стадиони олдида
йиғилишади. 5 август, пайшанба куни ҳужумчи Лионель Месси Каталония клуби билан янги шартнома имзоламаслиги маълум бўлди.
"Барселона" матбуот хизмати ҳар икки томоннинг хоҳишига қарамай, Ла лига раҳбарияти қўйган молиявий тўсиқлар туфайли янги шартнома имзоланмаслигини маълум қилди.
Бу хабар "кўк-анорранглилар" мухлисларини ҳайратга солди. Улар нима бўлганини ижтимоий тармоқларда фаол муҳокама қилишди, баъзилари эса "Барселона"нинг уй стадионига келишди.
Месси 2000 йилдан бери "Барселона" шарафини ҳимоя қилади ва 2003 йилдан буён асосий жамоада ўйнайди. У Испания чемпионатида 10, Испания кубоги ва Суперкубогида 7, Чемпионлар лигасида 4, Европа суперкубогида ва клублар ўртасидаги жаҳон чемпионатида 3 бор ғалаба қозонган.
