Лука Йович қолишга ва "Реал"да ўз ўрни учун курашишга қатъий қарор қилди, деб хабар беради Marca нашри.

Серб 2019 йилда "Айнтрахт"дан 65 миллион евро эвазига "қироллик клуби"га ўтган, аммо "Реал" либосида атиги 1014 дақиқа ўйнаган. Ушбу мавсум 23 ёшли футболчи кўпроқ нарсани хоҳламоқда.

Умуман, Йович "Реал" сафида атиги 32та ўйинда майдонга тушиб, 2та гол урди ва шунча голли узатмани амалга оширди.

"Қаймоқранглилар" сербияликни сотмоқчи ёки ижарага бермоқчи, аммо ҳужумчи ўзига мослашиш учун вақт керак деб ҳисоблайди.
Йович яқинда "Милан"га қарши ўртоқлик учрашувида "Реал" таркибида ўйнаши мумкин. Унинг тақдири эса катта эҳтимол билан ушбу баҳсда аниқ бўлади.