"Интер" ва Дания терма жамоаси ярим ҳимоячиси Кристиан Эриксен майдонга қайтиш санасини маълум қилди.
"Мен тўрт ёки беш ойдан кейин ўйнай бошлайман. Ҳозир анча яхшиман", - дея
Эриксеннинг сўзларини келтиради "Corriere dello Sport" нашри. 29 ёшли футболчи яқинда "Интер"га қайтди. У Дания шифокорлари назорати остида тикланиш курсидан ўтади.
Эслатиб ўтамиз, 12 -июнь куни Евро -2020 доирасидаги Дания - Финляндия учрашувининг биринчи бўлими охирида (0: 1) Эриксен майсазорга йиқилди ва ўрнидан туролмади. Спортчига 15 дақиқада майдонда шошилинч ёрдам кўрсатилди, сўнг уни касалхонага олиб кетишди. Кейинроқ футболчининг юраги тўхтаб қолгани маълум бўлди. Кристианга кардиовертер-дефибрилатор ўрнатилди.