«Ювентус» собиқ ҳужумчиси Алессандро Дель Пьеро Лионель Мессининг истеъфоси ҳақида гапирди.
Италиялик Мессини энди «Барселона» либосини киймаслигидан ҳайратда. У Мессининг фаолиятини Каталония клубида якунлашини хоҳлашини билдирди.
«Биз ҳаммамиз унинг фаолиятини «Барселона»да тугатишини хоҳлардик, шунинг учун ҳам мен бунга ҳайрон бўлдим.
У янги мавсумни «Барселона» либосида бошлаши керак эди. Ҳаммаси яхши кетаётгандай туюлди. Энди Месси бошқача янги саргузаштни бошлайди.
Мен унинг устидан ҳукм қилмоқчи эмасман, бизнинг дунёмиз алоҳида. Бу унинг қарори ёки клуб билан биргаликда бўлган бўлиши мумкин.
Балки бу ҳар иккала томон учун ҳам яхши бўлар. Биз бу ҳолат ҳақида ҳеч нарсани билмаймиз», - дейди Дель Пьеро.
