"Манчестер Сити" бош мураббийи Хосеп Гвардиола "Барселона"нинг собиқ сардори Лионель Мессини ёзда сотиб олиши мумкинлиги ҳақидаги хабарларни рад этди.
Аввалроқ, "шаҳарликлар" аргентиналик футболчининг маоши учун пули йўқлиги ҳақида хабар берилганди. Испаниялик мураббий буни тасдиқлади.
"Биз Грилиш учун пул сарфладик. Жек ўнинчи рақам остида ўйнайди, чунки биз унга ишонамиз. Ҳамма Леони "Барса"да қолади деб ўйлаган. Ҳозир биз Мессини сотиб олиш ҳақида ўйламаяпмиз", - дея Гвардиоланинг сўзларини келтиради инсайдер Фабрицио Романо.
Эслатиб ўтамиз, Месси 2008-2012 йилларда "Барселона"да Гвардиола қўл остида ўйнаган ва шу вақт ичида тўртта марта "Олтин тўп"ни қўлга киритган.
