Football Italia нашри хабарига кўра, "Наполи" "Челси" ярим ҳимоячиси Тьемуэ Бакайокони сотиб олишга умид қилмоқда.
Ярим ҳимоячи ўтган мавсумни неаполликлар билан ўтказди. Италия клуби "аристократлар" француз футболчисини яна бир мавсум ижарага беришини кутмоқда. "Наполи" билан биргаликда Бакайокога "Милан" ва "Фиорентина" қизиқиш билдирмоқда, бироқ улар фақат 27 ёшли французни ижарага олишга тайёр. "Челси" эса шартномаси келаси йил июнь ойида тугайдиган футболчини сотмоқчи. Тахминий нархи - 20 миллион евро.
Бакайоко 2017 йилда Лондон клубига кўчиб ўтган, аммо жамоада ўз ўрнини топа олмаган.
У охирги уч мавсумни ижара асосида "Милан", "Монако" ва "Наполи"да ўтказди.
