Германия матбуотида айни пайтда «Бавария» ҳимоячиси Йозуа Киммихнинг янги шартномаси бўйича қизғин муҳокамалар кетмоқда.
Томонлар амалда шартнома шартларини келишиб олишган. Футболчининг маоши йилига 20 миллион еврога тенг бўлиши белгиланди.
Бироқ «Бавария»да ҳамма ҳам бу вазиятдан мамнун эмас. Кўп футболчилар шунга ўхшаш маош талаб қилишни бошлаб юборишди.
Хусусан, Горетцка билан боғлиқ муаммолар аллақачон пайдо бўлган. Ярим ҳимоячи ҳам йилига 20 миллион евро олиш истагида, «Бавария» эса ҳозирча унга атиги 12 миллион таклиф қилмоқда.
Кингсли Коман ҳам шунга ўхшаш вазиятга эга. Французнинг вакиллари немис клубига Англияда уларнинг мижози унга кўпроқ пул тўлашга тайёрлигини билдиришмоқда.
