"Барселона" ҳимоячиси Жерар Пике "Барселона"дан кетган Лионель Мессига таъсирли мактуб ёзди.
"Ҳеч нарса аввалгидек бўлмайди. На Камп Ноу, на Барселона шаҳри, на ўзимиз. Клубда йигирма йилдан кўпроқ вақт ўтгач, энди сен "Барса" либосларини киймайсан. Ҳақиқат баъзида жуда аччиқ бўлади.
Биз 2000 йилда учрашганмиз, биз 13 ёшда эдик ва олдинда бутун мартаба бор эди. Қандай мартаба! Aгар мен ўзимнинг карьерамга қарасам, бундан яхшироғини топиб бўлмайди!
"Барселона"га қайтганимдан кейинги биринчи мавсумимда биз треблни қўлга киритдик ва сен барча даврларнинг энг яхши футболчиси бўлдинг. Росариодан Рим осмонигача. Бу ерда афсонанинг ҳикояси бошланди. Ва биз жуда яхши вақт ўтказдик!
Энди сен кетяпсан, лекин биламан, бир кун қайтасан. Ҳали ҳам тугалланмаган ишлар бор. Хурсанд бўл, қаерга борсанг ҳам завқлан ва ғалаба қозонишда давом эт, чунки буни қандай қилишни фақат сен биласан. Биз сени бу ерда соғинамиз. Мен сени яхши кўраман, Лео", - деб ёзди Пике ўз твиттерида.
