Хамес Родригес ўзининг Twitch сайтига берган интервьюсида Мессининг "Барселона"дан кетиши ҳақида гапириб, аргентиналик футболчини қайси клубда кўришни хоҳлаши ҳақидаги кутилмаган истаги билан бўлишди.
"Мен Мессининг "Ювентус"га ўтишини ва Криштиану Роналду билан бирга ўйнашини истардим.
Бу икки афсонани биргаликда кўриш кўплаб футбол мухлисларининг орзуси.
Месси йилига камида 30 та гол ва шунча голли узатмани амалга оширади. Энди "Барселона" бу йўқотишнинг ўрнини тўлдирадиган футболчини топиши керак. Муаммо уларни топишдир.
Футбол жуда ўзгариб кетди. Мессининг "Барселона"дан кетиши буни тасдиқлайди. Мессининг "Барса"дан кетишини ёки Серхио Рамоснинг "Реал Мадрид"дан кетишини ким ўйлабди? Улар билан Эл-классико бошқача бўлади ... Камералар Месси ва Криштиануга йўналтирилганда, ҳамма футбол мухлисида ўзгача хаяжон бўларди. Бу ёғига ҳам ҳамма Классикони томоша қилишади, лекин аввалги каби ҳаяжон бўлмайди.
Агар Месси "ПСЖ"га кетса, жамоа барча унвонларни қўлга киритиши мумкин бўлади. Менимча, Англияда бундай пулни тўлай олмайди, фақат "Ман Сити"дан ташқари", дейди колумбиялик футболчи.
