"Барселона" бош мураббийи Рональд Куман Каталония клуби собиқ ҳужумчиси Лионель Мессининг кетишига муносабат билдирди.
"Барса"да бўлмаслигингизга ҳали ҳам ишониш қийин. Лео, клуб учун қилган ҳар бир ишингиз учун ташаккур. Биз бирга ишлаган мавсум менга жуда ёқди. Мен сизнинг ажойиб ўйинларингиз, ишонч, етакчилик ва ғалаба қозониш истагига қойил қолдим", - деб ёзган Куман твиттер саҳифасида.
Месси - "Барса" тарбияланувчиси. У 2000 йилдан буён клуб таркибида, 2003 йилнинг ноябрида асосий таркибда дебют қилган, ўшандан бери 778 ўйин ўтказган, 672 гол, 305 голли узатма ва 35 совринни қўлга киритган.
