«Челси» ва «Интер» Ромелу Лукаку трансфери борасида келишувга эришди. «SportItalia» мухбирлари Алфредо Педулла ҳамда Жанлуижи Лонгарининг хабар беришича, икки клуб футболчи борасида 115 миллион евролик битимга имзо чекади.

Келишувда ҳеч қандай футболчи номи кўзда тутилмаган. Хабарда айтилишича, барча расмий ҳужжатлар бугун кечқурун топширилади ва Лукаку шундан сўнг Лондонга қайтиши мумкин бўлади.

Бельгиялик 2011 йилда «аристократлар» сафида ҳаракат қилган ва 15 та ўйин ўтказиб, гол уришга эришолмаган эди. Бироқ, «Интер»да 2019 йилдан буён 95 та ўйинда 64 та гол муаллифига айланган.