"Манчестер Сити" ярим ҳимоячиси Жек Грилиш "Лестер"га қарши (0:1) Англия Суперкубоги
учрашувида жамоадаги дебюти ҳақидаги таассуротлари билан ўртоқлашди. Ярим ҳимоячи
учрашувнинг 65-дақиқасида майдонга тушди.
"Ачинарли натижа, лекин бу клубда дебют қилиш мен учун шараф. Ажойиб кутиб олиш учун
мухлисларга раҳмат! Кейинги дам олиш кунини кутиб бўлмайди”, - деб ёзди Грилиш твиттердаги расмий саҳифасида.
Маълумот учун, 25 ёшли инглиз ярим ҳимоячиси клуби билан 2027-йилгача шартнома
имзолади. Грилиш трансфери "Ман Сити"га 118 миллион еврога тушди ва у тарихдаги энг қиммат
британиялик футболчига айланди.
