«Лидс Юнайтед» «Хадерсфилд» клуби футболчиси Левис Ў'Брайн учун янги таклиф киритди. Бу ҳақда «Football Insider» нашри хабар қилади. Унга кўра, «Лидс» 5 миллион фунтгача таклиф билан чиқади.
Марсело Биелса таркибини кучайтириш учун Чемпионшип клуби футболчисига муҳтож бўлиб турибди. Қолаверса, унинг нархи ҳам нисбатан клуб учун қулайроқ.
Аввалроқ 22 ёшли футболчига «МЮ» 3 миллионлик таклиф киритгани, бироқ «Хадерсфилд» бу қийматни рад этгани ҳақида хабар қилинган эди. Футболчини шартномаси кейинги йил ёзда якунига етади. У клуб таркибида 81 та учрашувда майдонга тушган.
